طلبہ امانت ہیں

طلبہ اساتذہ کے پاس امانت ہیں
بقلم: ابو عبدالبر عبدالحی السلفی
طلبہ قوم کا سب سے عظیم اور قیمتی سرمایہ ہیں نیز ملک کا  مستقبل  انہیں سے وابستہ ہے چاہے اس کا تعلق تعلیم سے ہو یا سیاست سے یا اس کے علاوہ کسی بھی شعبہ سے ہو ، اس امانت کا حق یہ ہے کہ جس مقصد کے حصول کے لئے وہ آئے ہیں اور جس بھاری امانت کا بوجھ آپ کے ناتواں کندھے پر رکھی گئی ہے، اس کا پورا پورا حق ادا کرنے کی کوشش کریں۔ ان اللہَ یامرکم أن تؤدوالأمانات إلی أھلھا اور  اس امانت میں کوتاہی طالبِ علم اس کے والدین' سر پرستوں ، مدرسہ اور اس کے معاونین کے ساتھ خیانت شمار ہوگی اگر اساتذہ کے ہاتھوں طلبہ کی صحیح تربیت ہوجائے تو سعادت دارین سے بھی ہمکنار ہوں گے لیکن اگر اساتذہ ہی نے اس عظیم امانت کی ادائیگی میں کوتاہی کی اور ان کی صحیح اسلامی تعلیم و تربیت نہ کر سکے تو اس کا خمیازہ خود کے ساتھ معاشرے کو بھی بھگتنا پڑے گا اور آنے والی نسلوں کے سب وشتم اور ان کے لعن طعن کے مستحق قرار پائیں گے .
یاد رکھیں وقت بچے کا قیمتی سرمایہ ہے اس کو مفید تر بنانا استاذ کی ذمہ داری ہے ان کے وقت کو مفید بنانے اور تعلیم میں مشغول رکھنے کے لئے مزاج شناسی کے اصول کو ہمیشہ ملحوظ رکھنا چاہئے. 
💡🔦مکاتب اسلامیہ میں نرسری LKG.UKG اور ابتدائی درجات کے طلبہ و طالبات کو پڑھانے کا ایک مفید خاکہ پیش کیا جارہا ہے امید کہ اس مستوی تک پڑھانے والے اساتذہ کرام اس کے مطابق یا اس کے علاوہ جو طریقہ تدریس مناسب سمجھیں بچوں کو اسی اصول وضوابط کے مطابق پڑھائیں ان شاء اللہ چند مہینوں میں اس کی برکت سے آپ کا وجود لہلہا اٹھے گا .
📚🖊️نرسری میں طلبہ کو اردو 'انگلش 'نیپالی کے حروف تہجی ہفتہ میں دو ہی حرف سہی زبانی واجتماعی طور پر بلیک بورڈ پر لکھ کر دسیوں مرتبہ دہروائے جائیں مثلا الف سے اللہ .انگور انار 'اسی طرح انگلش اور نیپالی کے بھی.
📚🖊️ ایل کے جی (LKG )اور یو کے جی( UKG) میں نرسری میں پڑھائی گئی حروف تہجی کے اعادہ کے بعد انہیں خوب خوب لکھنے کی مشق کرائی جائے'ان مراحل میں بچے کو زیادہ سے زیادہ سننے بولنے پڑھنے اور لکھنے کی عادت ڈلائی جائے نیز حروف تہجی  لکھنے کی مشقوں کے بعد دو حرفی اور سہ حرفی الفاظ روزانہ صرف دو یا تین حروف کے جوڑنےوتوڑنے کی خوب اچھی طرح مشق کرائیں یہاں تک کہ زبانی لکھنا پڑھنا جان جائیں .
🖊️ قرآن کریم پارہ عم سے کوئی چھوٹی سی سورت لکھ کر بچوں کو حروف تہجی کی شناخت کرائیں .
📚🖊️ مدارس اسلامیہ میں متداول نصابی کتاب فروغ اسلام ' چمن اسلام 'فروغ اردو میں جو سبق پڑھانا ہے سب سے پہلے اس کا مفہوم وخلاصہ پانچ دس منٹ میں طلبہ کے سامنے  زبانی طور پر پیش کردیا جائے مثلا اللہ کہاں ہے' سونے کے آداب 'اساتذہ کے حقوق'والدین کے حقوق وغیرہ وغیرہ
📚🖊️ بآواز بلند ایک دو بار استاذ خود سبق پڑھیں اور پھر درجہ کے کسی ذہین طالب علم سے اجتماعی طور پر بلند آواز سے کئی مرتبہ سبق پڑھوائیں اور مشکل الفاظ کی ادائیگی کئی کئی بار کرائیں .
📚🖊️ جو سبق پڑھایا جائے اسی سے روزانہ دس دس الفاظ کی 10/10بار نقل واملاء لکھنے کی مشق کرائیں
📚🖊️ طلبہ ہوم ورک کی ادائیگی کے بعد درسی کتاب کے علاوہ کسی بھی کتاب سے وقت نکال کر یومیہ تین کام ضرور کریں
۱- کچھ نہ کچھ یومیہ منظم انداز میں پڑھیں
۲- کچھ نہ کچھ یومیہ منظم انداز میں خوشخط لکھیں
۳-  کچھ نہ کچھ یومیہ منظم انداز میں حفظ کریں.
یقین کریں طلبہ کی علمی و فکری زندگی کی تعمیر و ترقی کے لئے یہ نسخے نہایت نفع بخش اور ضروری ہیں۔
📚🖊️مکتب کے بچوں کو نصابی مقررہ کتاب ختم کرنے کے بجائے وہ منتخب اسباق پڑھائے جائیں جن کا تعلق عقیدہ سیرت ' فقہ وعبادات اخلاق و معاملات سے ہو نیز عبادات کی عملی مشق بھی کرائی جائے.
اور وقت کی تنگی کے باعث جن اسباق کی تدریس نہ ہوسکے ان کے صرف مشقی سوالات حل کرا دیئے جائیں تاکہ بچے کو  اس کا کچھ نہ کچھ حصہ ذہن نشین ہوجائے .
📚🖊️ قرآن کریم پڑھانے کے لئے اس کے تین/چار آیات بلیک بورڈ پر لکھ کر ایک حرف کو دوسرے حرف سے مع حرکات ملانے اور تجوید کے ساتھ پڑھنے کا طریقہ بتایا جائے .
📚🖊️ نیپالی اور انگلش کی مقررہ کتابوں کی اجتماعی عبارت خوانی کرائی جائے اور تمام اسباق میں روزمرہ استعمال ہونے والے جملوں کے بولنے کی زیادہ سے زیادہ مشق کرا دی جائے اور جو گرامر وقواعد ہیں انہیں ایک کاپی پر لکھ کر عملی مشق کرائیں .